काठमाडौं । नेपाल स्टक एक्सचेञ्ज, नेप्सेमा एकै दिन अर्थात् मंगलबार ४ करोड बढी बोनस शेयर सूचीकृत भएको छ । नेप्सेका अनुसार ४ वटा कम्पनीको ४ करोड २१ लाख ८६ हजार ४४८ कित्ता बोनस शेयर नेप्सेमा सूचीकृत भएको हो ।
नेप्सेका सूचना अधिकारी मुरारी पराजुलीका अनुसार ङादी ग्रुप पावर लिमिटेड, बलेफी हाइड्रोपावर लिमिटेड, फरवार्ड माइक्रोफाइनान्स लघुवित्त वित्तीय संस्था र नेपाल एसबिआई बैंकको उक्त बोनस शेयर नेप्सेमा सूचीकृत भएको हो ।
ङादी ग्रुप पावर लिमिटेडले १ करोड ८५ लाख १२ हजार ७९२ कित्ता, बलेफी हाइड्रोपावर लिमिटेडले १ करोड ८२ लख ७९ हजार ७०० कित्ता , फरवार्ड माइक्रोफाइनान्स लघुवित्त वित्तीय संस्थाको १४ लाख ३ हजार ८९९ कित्ता र नेपाल एसबिआई बैंकको ३९ लाख ९० हजार ५७ कित्ता शेयर नेप्सेमा सूचीकृत भएको हो ।
उक्त कम्पनीहरुले अर्थात् ङादी ग्रुपले शतप्रतिशत, बलेफी हाइड्रोले शतप्रतिशत , फरवार्डले १३.३० प्रतिशत र एसबिआई बैंकले ३.८० प्रतिशत बोनस शेयर आफना शेयरधनीहरुलाई वितरण गर्ने उद्देश्यले नेप्सेमा सूचीकृत गरेका हुन् । बोनस शेयर लिनका लागि शेयरधनीहरुले मेरोशेयरमार्फत् आवेदन दिन सक्नेछन् ।
