काठमाडौं । मंगलबार घटेको शेयर बजार बुधबार र बिहीबार बढेको छ ।
साताको अन्तिम दिन बिहीबार नेपाल स्टक एक्सचेन्ज, नेप्से परिसूचक ३.३५ अंकले बढेर २७०३.३९ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने २.३० अंकले बढेर ४५०.०८ विन्दुमा पुगेर बन्द भएको छ । साथै फोल्ट इन्डेक्स ०.५२ र सेन्सेटिभ फोल्ट इन्डेक्स भने ०.९८ अंकले बढेको हो ।
बिहीबार ३२४ वटा कम्पनीको १ करोड ५५ लाख २ हजार ९९८ कित्ता शेयर खरिब बिक्री हुँदा करोबार रकम ७ अर्ब ८४ करोड ४६ लाख ४२ हजार पुगेको छ । जुन बुधबारको तुलनामा कारोबार रकम २ अर्ब ४० करोडले २ लाखले बढी हो । बुधबार ३१८ वटा कम्पनीको १ करोड ४ लाख ४२ हजार कित्ता शेयर खरिद बिक्री हुँदा कारोबार रकम ५ अर्ब ४४ करोड ४४ लाख ३५ हजार पुगेको थियो ।
बिहीबार बजार पुँजीकरण रकम ४४ खर्ब ८९ अर्ब ३ करोड पुगेको छ । यसदिन ९३ वटा कम्पनीकोे शेयर मूल्य बढ्दा १५१ वटा कम्पनीको शेयर मूल्य घटेको छ ।
यस दिन ४ वटा उपसमूह बढ्दा बाँकी ९ वटा घटेको छ । बैंकिङ १३, जलविद्युत १, निर्जीवन बीमा ७२ र अन्य समूह ३५ अंकले बढ्दा विकास बैंक ९, वित्त ४२, होटल र पर्यटन ८, लगानी ०.०३, जीवन बीमा ९०, उत्पादन र प्रशोधन ७०, लघुवित्त १८, म्युअुचल फण्ड ०.०४ र व्यापार ८१ अंकले घटेको हो ।
यस दिन रकमको आधारमा सर्वाधिक कारोबार हुने कम्पनीहरुमा हिमालयन रिइन्स्योरेन्स, नेपाल रिइन्स्यारेन्स , एनआरएन इन्फ्रास्ट्रक्चर एण्ड डेभलपमेन्ट कम्पनी, हिमालयन पावर पार्टनर र राधी विद्युत कम्पनी रह्यो ।
हिमालयन रिइन्स्योरेन्सको ७२ करोड ३२ लाख, नेपाल रिइन्स्यारेन्सको ५५ करोड ९९ लाख, एनआरएन इन्फ्रास्ट्रक्चर एण्ड डेभलपमेन्ट कम्पनीको ४२ करोड ९७ लाख, हिमालयन पावर पार्टनरको ३४ करोड २ लाख र राधी विद्युत कम्पनीको ३२ करोड ८७ लाख बराबर करोबार भयो ।
