काठमाडौं । आज बुधबार सुनको मूल्यले ऐतिहासिक उचाइ कायम गरेको छ ।
मंगलबार प्रतितोला १ लाख ८४ हजार ३ सय रुपैयाँमा कारोबार भएको छापावाल सुनको मूल्य आज तोलामा २७ सय रुपैयाँले बढेर प्रतितोला १ लाख ८७ हजार रुपैयाँ पुगेको छ । नेपाली बजारमा आज कायम भएको सुनको मूल्य हालसम्मकै उच्च हो । आज प्रति १० ग्राम छापावाल सुनको मूल्य १ लाख ६० हजार ३ सय २० रुपैयाँ तोकिएको छ ।
आज चाँदीको मूल्य पनि तोलामा १० रुपैयाँले बढेर प्रतितोला १ हजार ९ सय ५५ रुपैयाँ पुगेको छ । आज १० ग्राम चाँदीको मूल्य १ हजार ६ सय ७६ रुपैयाँ तोकिएको छ ।
