काठमाडौं । नेको इन्स्योरेन्सले वैशाख १२ देखि निष्कासन गरिरहेको २ लाख २५ हजार १६१.३५ कित्ता अवितरित हकप्रद शेयरका लागि आवेदन दिने आज अन्तिम दिन हो।
कम्पनीले गत फागुन ८ देखि चैत १४ गतेसम्म निष्कासन गरेको हकप्रदमध्ये संस्थापक समूहको ४३ हजार ७७९.५२ कित्ता र सर्वसाधारण समूहको १ लाख ८१ हजार ४८१.८३ कित्ता बाँकी बसेकोमा सोही शेयर बिक्री खुला गरेको हो।
शेयरको प्रतिकित्ता न्यूनतम मूल्य १ सय रुपैयाँ तोकिएको छ भने आवेदन दिँदा घटीमा १०० कित्ता र बढीमा सम्पूर्ण कित्ता माग गर्न सकिनेछ। यसमा इच्छुक सबैले आवेदन दिन सक्नेछन्।
यसमा आज बैंकिङ्ग सयमसम्म मात्रै आवेदन दिन सकिने छ। कम्पनीको बिक्री प्रबन्धकमा सानिमा क्यापिटल लिमिटेड रहेको छ।
