काठमाडौं । नेपाल बैंकर्स संघको कार्यकारिणी समितिका पदाधिकारीहरूले नव नियुक्त गभर्नर डा. विश्वनाथ पौडेलसँग शिष्टाचार भेट गरेर बधाई तथा शुभकामना प्रदान गरेको छ ।
गभर्नर सँगको भेटमा संघका पदाधिकारीहरूले बैंकिङ्ग क्षेत्रलाई अझ सुदृढ र प्रभावकारी बनाउन यस अघि जस्तै नेपाल राष्ट्र बैंकबाट निरन्तर साथ र सहयोगको अपेक्षा रहेको उल्लेख गरेका थिए ।
बैकर्स संघसँगको भेटमा नव नियूक्त गभर्नरले बैंक तथा वित्तीय संस्थाहरूले देशको आर्थिक क्षेत्रमा पु¥याएको योगदानको प्रशंसा गर्दै, विद्यमान चुनौतीहरूको समाधानका लागि सबै सरोकारवाला एकजुट भई अघि बढ्नुपर्ने बताएका छन् ।
