काठमाडौं । काठमाडौंको एक आश्रमबाट ८० वर्षीय ज्येष्ठ नागरिक बेपत्ता भएका छन् ।
काठमाडौं महानगरपालिका-१६ सोह्रखुट्टेमा रहेको नेपाल वरिष्ठ नागरिक समाज असाहय ज्येष्ठ नागरिक आश्रमबाट नुवाकोट घर भएका यज्ञप्रसाद अधिकारी हराएका हुन् ।
यही असार १२ गते दिउँसो साढे एक बजेदेखि अधिकारी हराएपछि प्रहरीलाई खोजीका लागि खबर गरिएको हो ।
गहुँगोरो वर्णका उनले हराउँदा खैरो ट्राउजर, हरियो ज्याकेट लगाएका थिए । उनलाई कसैले भेटे वा देखे नजिकको प्रहरी चौकी वा मोबाइल नम्बर ९८५१००२९६४ मा सम्पर्क गरिदिन प्रहरीले सूचना समेत जारी गरेको छ ।
