काठमाडौं । सुन चाँदीको मूल्य आइतबारको लागि बढेको छ । नेपाल सुनचाँदी व्यवसायी महासंघका अनुसार आइतबार सुन तोलामा ८०० रुपैयाँले बढेको छ ।
महासंघका अनुसार आइतबार छापावाला सुनको मूल्य प्रति तोला १ लाख ९३ हजार ३०० रुपैयाँ तोकिएको छ । शुक्रबार भने सुनको मूल्य तोलामा २०० रुपैयाँले बढेर १ लाख ९२ हजार ५०० रुपैयाँमा कारोबार भएको थियो ।
यसअघि, २०८२ वैशाख ९ गते सुनको भाउ हालसम्मकै उच्च १ लाख ९७ हजार ९०० रुपैयाँ पुगेको थियो ।
सुनसँगै चाँदीको भाउ पनि आइतबार तोलामा ५ रुपैयाँले बढेको छ। शुक्रबार प्रति तोला १५ रुपैयाँले बढेर २२८० रुपैयाँ रहेको चाँदीको मूल्य आइतबार २२८५ रुपैयाँ कायम भएको छ ।
यसअघि, असार ३० गते चाँदीको भाउ हालसम्मकै उच्च २३१५ रुपैयाँ पुगेको थियो ।
