काठमाडौं । मेटलाइफ नेपालद्धारा ग्रामिण क्षेत्रमा सर्पदंशको जाखिम नियन्त्रण गर्नका लागि सहयोग सुरु गरेको छ । सोही क्रममा
मेटलाइफ नेपालले झापास्थित कन्काई सहारा सर्पदंश उपचार केन्द्रसँग साझेदारी गर्दै, यस क्षेत्रमा बढ्दो सर्पदंशको जोखिमलाई सम्बोधन गर्न आफ्नो कर्पोरेट सामाजिक उत्तरदायित्व कार्यक्रम अन्तर्गत पहल समेत सुरु गरेको छ । बढ्दो तापक्रम र यस जिल्लाको कृषिमुखी जीवनशैलीका कारण विशेष गरी ग्रामीण क्षेत्रमा समुदायहरूको जोखिम अझ बढेको छ ।
नेपालमा सर्पदंश एक जनस्वास्थ्य समस्या हो, जसले गर्दा हरेक वर्ष सयौंको ज्यान जान्छ, विशेष गरी झापा जस्ता जिल्लाहरू सबैभन्दा बढी प्रभावित छन्। सीमित जनचेतना, समयमै उपचार नपाउनु र पर्याप्त स्वास्थ्य सुविधा अभावका कारण सर्पदंशद्वारा धेरैजसो मृत्युहरू र दीर्घकालीन स्वास्थ्य समस्या उत्पन्न हुन्छन् । यी तथ्याङ्कहरूले जोखिममा रहेका समुदायहरूमा निवारक शिक्षा र उपचारमा सुधारको पहुँच दुवैको तत्काल आवश्यकतालाई प्रकाश पार्छन् ।
यस कार्यक्रमको उद्देश्य समुदायमा सर्पदंशको रोकथाम र तात्कालिक प्रतिक्रिया सम्बन्धी ज्ञान बढाउने, झापाको मध्य भागका ग्रामीण बासिन्दालाई उपचार सुविधामा सजिलो पहुँच उपलब्ध गराउने, र अन्ततः सर्पदंशका कारण हुने मृत्युको संख्या घटाउनु हो । केन्द्रको प्रयासलाई समर्थन गर्दै, मेटलाइफ नेपालले जनचेतना अभिवृद्धि अभियानमा योगदान पुर्याउने, रोकथामका उपायहरूलाई प्रोत्साहन गर्ने, र समयमै जीवनरक्षक उपचारको पहुँच मजबुत पार्नका लागि सहयोग अघि बढाएको हो ।
“सर्पदंश ग्रामीण नेपालमा गम्भीर तर प्रायः बेवास्ता गरिने सार्वजनिक स्वास्थ्य समस्या हो । कन्काई सहारा सर्पदंश उपचार केन्द्रसँग सहकार्य गरेर, हामी हाम्रो समुदायलाई सर्पदंशबाट बच्न आवश्यक ज्ञान मात्र नभई समयमा अत्यावश्यक उपचारमा पहुँच सुनिश्चित गर्न प्रतिबद्ध छौँ । यो सबै नेपालीहरूको लागि सुरक्षित र स्वस्थ भविष्य निर्माण गर्ने हाम्रो प्रमुख लक्ष्य हो,“ मेटलाइफ नेपालका महाप्रबन्धक निर्मल काजी श्रेष्ठले भने ।
मेटलाइफको बारेमा
मेटलाइफले आफ्ना सहायक र सम्बद्घ संस्थाहरु सहित “मेटलाइफ” वित्तीय सेवा प्रदायक विश्वका प्रमुख कम्पनीहरु मध्येको बीमा, एन्युटी , कर्मचारी लाभ योजनाहरु र सम्पत्ति व्यवस्थापनको सेवा प्रदान गरी व्यक्तिगत तथा संस्थागत ग्राहकहरुलाई अझ सुनिश्चित भविश्य निर्माण गर्न मद्घत गरिरहेको एक प्रमुख वित्तीय सेवा प्रदायक कम्पनी हो । सन् १८६८ मा स्थापित भएको मेटलाइफ विश्वभर ४० भन्दा बढी बजारहरुमा संचालनमा रहेको छ र संयुक्त राज्य अमेरिका, एशिया, ल्याटिन अमेरिका, युरोप र मध्य पूर्वमा अग्रणी स्थान ओगटेको छ । थप जानकारी का लागि, कम्पनीको बेवसाइटमा गएर हेर्न सकिने व्यवस्था गरिएको छ ।
मेटलाइफ नेपालको बारेमा
मेट लाइफ इन्श्योरेन्सको सहायक संस्था, संयुक्त राज्य अमेरिकामा संस्थापित अमेरिकन लाइफ इन्श्योरेन्स कम्पनीको शाखाको रुपमा मेटलाइफ सन् २००१ देखि नेपालमा संचालन भइरहेको छ । नेपालमा यसले आफ्ना व्यक्तिगत तथा संस्थागत ग्राहकहरुलाई जीवन बीमा, दुर्घटना तथा स्वास्थ्य बीमा र सामुहिक बीमा जस्ता बीमा योजनाहरु उपलब्ध गराउदै आइरहेको छ । थप जानकारी का लागि इन्श्योरेन्सको बेवसाइट वा ९७७ –१–५९७०१६६ मा फोन गरी सबैले जानकारी लिन सक्ने व्यवस्था गरी सबै नागरिकलाई सहजीकरण गरिएको छ ।
कन्काई सहारा सर्पदंश उपचार केन्द्रको बारेमा
झापाको कन्काई नगरपालिकामा अवस्थित कन्काई सहारा सर्पदंश उपचार केन्द्र सर्पदंशबाट पीडितहरूलाई आपतकालीन हेरचाह प्रदान गर्न समर्पित समुदाय व्यवस्थित स्वास्थ्य सेवा सुविधा हो। २०१६ मा स्थापित, यो २४ घण्टा सञ्चालनमा छ र विशेषज्ञ परामर्श, आईसीयू हेरचाह, र भेन्टिलेटर समर्थन सहित महत्वपूर्ण सेवाहरू प्रदान गर्दछ । यो केन्द्र झापा र नजिकैका जिल्लाहरूमा समुदायहरूको लागि जीवन रेखाको रूपमा काम गर्दछ, जहाँ कृषि क्षेत्रको जीवनशैली र हावापानीका कारण सर्पदंश गम्भीर स्वास्थ्य जोखिम रहेको छ । उपचारको अतिरिक्त, यसले रोकथाम र समयमै प्रतिक्रियाको बारेमा जागरूकता जगाउने काम गर्दछ, जसले नेपालको सबैभन्दा सर्पदंश(प्रवण क्षेत्रहरू मध्येमा जीवन बचाउन मद्दत गर्दछ ।
