काठमाडौं । राजधानीको नयाँ बानेश्वरमा आयोजित जेनजीको प्रदर्शनमा सुरक्षा निकायले गरेको बल प्रयोगपछि मृत्यु हुनेको संख्या नौ पुगेको छ । विभिन्न अस्पतालमा १२३ जना घाइतेको उपचार भइरहेको छ ।
सिभिल अस्पतालमा मात्रै ५० जना घाइते उपचाररत छन् । सोही अस्पतालमा २ जनाको मृत्यु भएको पुष्टि भएको छ । काठमाडौँ मेडिकल कलेजमा १४ जना घाइते पुगेका छन्, जसमा २ जना गम्भीर अवस्थामा छन् । त्यसमध्ये १ जनाको मृत्यु भएको छ ।
त्रिवि शिक्षण अस्पताल (टिचिङ) मा १३ जना घाइते पुगेका छन् भने १ जनाको मृत्यु भएको छ । ट्रमा सेन्टरमा ४० जना घाइतेलाई भर्ना गरिएको छ, जहाँ ५ जनाको मृत्यु भएको पुष्टि भएको छ ।
त्यस्तै, पाटन अस्पतालमा दुई, बी एण्ड बी अस्पतालमा एक, भेनस अस्पतालमा दुई (प्रहरी ओमबहादुर राणा र दिपक सिजाली) र बयोदा अस्पतालमा एक महिला उपचाररत छन् ।
घाइतेमध्ये सात जना प्रहरी र दुई जना सशस्त्र प्रहरी (एपीएफ) पनि रहेका छन् ।
