काठमाडौं । अर्थ मन्त्रालयले तीन सहसचिवको सरुवा गरेको छ।
अर्थमन्त्री रामेश्वर खनालले सहसचिवहरु महेश आचार्य, सेवन्तक पोखरेल र महेश बरालको सरुवा गरिएको अर्थ मन्त्रालय स्रोतले जानकारी दियो।
अर्थका सहसचिव महेश बराल भने वित्तीय संघीयता समन्वयन महाशाखाबाट वित्तीय तालिम केन्द्रमा सरुवा भएका छन्।
वित्तीय तालिम केन्द्रबाट महेश आचार्य वित्तीय क्षेत्र व्यवस्थापन तथा संस्थान समन्वयन महाशाखामा पुगेका छन्।
सेवन्तक वित्तीय क्षेत्र व्यवस्थापन तथा संस्थान समन्वय महाशाखाबाट वित्तीय संघीयता समन्वयन महाशाखामा सरुवा भएका छन्।
