काठमाडौं । नेपाल स्टक एक्सचेन्ज (नेप्से)मा गुराँस लघुवित्त वित्तीय संस्था लिमिटेडको १४.२५ प्रतिशत बोनस सेयरमा मूल्य समायोजन भएको छ । बिहीबारको अन्तिम कारोबार मूल्य २ हजार ३१० रुपैयाँलाई आधार मानेर भाउ समायोजन गरिएको हो । समायोजन पश्चात यसको सेयर भाउ २ हजार २१.८८ रुपैयाँ कायम भएको छ ।
त्यस्तै, मुक्तिनाथ कृषि कम्पनीको पनि ८ प्रतिशत बोनस सेयरमा मूल्य समायोजन भएको छ । बिहीबारको अन्तिम कारोबार मूल्य १ हजार ५७५ रुपैयाँलाई आधार मानेर भाउ समायोजन गरिएको हो । समायोजन पश्चात कम्पनीको सेयर भाउ १ हजार ४५८.३३ रुपैयाँ कायम भएको छ । आइतबार समायोजित मूल्यलाई आधार मानेर कारोबार खुला हुनेछ ।
