काठमाडौं । नेपाल क्लियरिङ्ग हाउस लिमिटेडको १४ औँ वार्षिक साधारणसभा सम्पन्न भएको छ । कम्पनीको १४ औँ वार्षिक साधारणसभा लाभांश प्रस्ताव पारित गर्दै सकिएको हो ।
साधारण सभाले १५ प्रतिशत बोनस सेयर र ०.७८९% नगद (कर प्रयोजन) सहित लाभांश प्रस्ताव पारित गरेको हो । बोन सेयर पछि कम्पनीकाु चुक्ता पुँजी १,४५८,५११,५०० हुनेछ । पुँजी वृद्धि मुख्यतया राष्ट्रिय भुक्तानी स्विचमा यसको लगानी, राष्ट्रिय र सीमापार कारोबारहरूको लागि थप भुक्तानी प्रणाली, जोखिम व्यवस्थापन प्रणाली र अवस्थित पूर्वाधारहरूको बृद्धि गर्न प्रयोग गरिने बताइएको छ ।
आर्थिक वर्ष २०८१÷८२ मा कम्पनीले आफ्नो क्लियरिङ्ग र सेटलमेन्ट प्रणाली मार्फत १८.६ ट्रिलियन रुपैयाँ भन्दा बढीको सेटलमेन्ट मूल्य बराबरको २१ करोड १० लाख कारोबारहरू प्रशोधन ग¥यो, जुन कारोबार संख्यामा ६७ प्रतिशत भन्दा बढीले वृद्धि हो । कम्पनीको खुद नाफा ४ प्रतिशत भन्दा बढीले बढेको छ ।
साधारण सभाले विकास बैंकहरूको प्रतिनिधित्व गर्ने उमेश सिंह भण्डारी (सांग्री–ला विकास बैंकका डीसीईओ) र वित्त कम्पनीहरूको प्रतिनिधित्व गर्ने लच्छमन प्रसाद जैसी (आईसीएफसी फाइनान्सका उपमहाप्रबन्धक) लाई सञ्चालक समितिको दुई सदस्यहरू सर्वसम्मतिले निर्वाचित गरेको छ ।
एनसीएचएल बोर्डमा नेपाल राष्ट्र बैंकबाट एक सदस्य, वाणिज्य बैंकहरूबाट ३ सदस्य, विकास बैंक र वित्त कम्पनीहरूबाट १–१ जना र १ स्वतन्त्र निर्देशकको प्रतिनिधित्व रहेको छ ।
