काठमाडौं । नेकपा एमालेका महासचिव शंकर पोखरेलले आगामी निर्वाचनमा नेपाली कांग्रेस नै मुख्य प्रतिस्पर्धी शक्ति भएको बताएका छन्। एमालेको प्रतिस्पर्धा राष्ट्रिय स्वतन्त्र पार्टीसँग नभएको स्पष्ट पार्दै उनले कांग्रेस देशको पुरानो र प्रभावशाली पार्टी भएकाले अहिले पनि प्रमुख प्रतिस्पर्धी शक्ति कांग्रेस नै रहेको उल्लेख गरे। शुक्रबार आयोजित पत्रकार सम्मेलनमा महासचिव पोखरेलले यस्तो बताएका हुन् ।
उनले भने,‘काठमाडौंमा राष्ट्रिय स्वतन्त्र पार्टी प्रतिस्पर्धामा नै छैन भन्ने विश्लेषण आइरहेको छ । रास्वपाको प्रभाव सहरी क्षेत्रको तुलनामा ग्रामिण क्षेत्रमा बढेको देखिन्छ तर, त्यो प्रभाव चुनाव जित्ने तहसम्मको होइन भन्ने छ । त्यसैले एमालेसँग कांग्रेस नै प्रतिस्पर्धामा छ ।अघिल्लो चुनावमा समानुपातिक हकमा सहरी क्षेत्रको मत रास्वपालाई धेरै गएको हो । अहिले घट्ने देखिन्छ । तर, प्रत्येक जिल्लामा केही न केही ल्याइहाल्छ, त्यसैले ग्रामिण क्षेत्रको मत बढ्ने आँकलन छ ।’
