काठमाडौं । नेपाल स्टक एक्सचेञ्ज (नेप्से) मा २ वटा कम्पनीको बोनस सेयर सूचीकृत भएका छन। मंगलबार नेप्सेमा एचआईडिसिएल र विजय लघुवित्तको बोनस सेयर सूचीकृत भएको छ ।
जसमध्य एचआईडिसिएलको ३६ लाख ८३ हजार ९७२ कित्ता बोनस सेयर सूचीकृत भएको हो । कम्पनीले गत वर्षको नाफाबाट १.५ प्रतिशत बोनस सेयर दिएको थियो ।
यता, विजय लघुवित्तले १७ लाख ५८ हजार ७१५.२८७५ कित्ता बोनस सेयर सूचीकृत भएको हो । कम्पनीले गत वर्षको नाफाबाट ४.७५ प्रतिशत बोनस सेयर दिएको थियो ।
उक्त सेयर डिम्याट खातामा जम्मा भएपछि कारोबार गर्न सकिनेछ ।
