काठमाडौं । पिपुल्स पावर लिमिटेडको ९ औँ वार्षिक साधारणसभाको मिति घोषण भएको छ । कम्पनीको चैत ८ गते बसेको सञ्चालक समितिको बैठकले चैत २९ गते आइतबारका लागि साधारणसभाको मिति तय गरेको हो ।
उक्त सभा काठमाडौंको टोखा नगरपालिका–८, जाल्पाचोकस्थित पारिजात पार्टी प्यालेसमा बिहान ११ बजेदेखि सुरु हुने छ । उक्त साधारणसभाले गत आर्थिक वर्ष २०८१/०८२ को सञ्चालक समितिको तर्फबाट अध्यक्षले पेश गर्ने वार्षिक प्रतिवेदनका साथै लेखा परीक्षकको प्रतिवेदन सहितको गत आवको वासलात, नाफा नोक्सान हिसाब लगायतका वित्तीय विवरणहरू माथि छलफल गरी पारित गर्नेछ ।
त्यसैगरी सोही साधारणसभाले चालू आर्थिक वर्ष २०८२/०८३ का लागि लेखापरीक्षकको नियुक्ति गरी निजको पारिश्रमिक निर्धारण गर्ने, कम्पनीको ठाउँसारी गर्ने, संस्थागत सुशासन सम्बन्धी प्रतिवेदन स्वीकृत गर्ने र विविध प्रस्ताव उपर छलफल गरी पारित गर्नेछ ।
वार्षिक साधारणसभा प्रयोजनार्थ चैत १६ गते सोमबार एक दिनका लागि बूक क्लोज गर्ने निर्णय समेत गरेको छ । यो आधारमा चैत १५ गतेसम्म नेप्सेमा कारोबार भइ कायम सेयरधनीले मात्रै सभामा भाग लिन पाउनेछन् ।
