काठमाडौं । आज दिउसो केही समय अबरुद्ध भएको काठमाडौं उपत्यका लगायत केही स्थानहरुमा नेपाल टेलिकमको मोबाइल डाटा र एफटीटीएच इन्टरनेटमा भएको अबरोध समाधान भएर पुनःसेवा सुरु भएको हो । इन्टरनेटको लागि जावलाखेलस्थित प्रयोगमा रहेको कोर राउटरहरुमा प्राविधिक समस्या उत्पन्न भई डाउन भएको कारण यो समस्या आएको टेलिकमले जनाएको छ ।
हाल यस सम्बन्धी विशेषज्ञहरुबाट सो समस्या समाधान भई सेवा समेत सुचारु भइसकेको जानकारी टेलिकमले दिएको छ । आगामी दिनमा यस्ता समस्या नदोहोरिने र अझै उत्कृष्ट सेवा प्रदान गर्ने प्रतिबद्धता समेत टलिमले व्यक्त गरेको छ ।
