काठमाडौं । युरोपमा हालै एउटा अनौठो र ठूलो चोरीको घटना सार्वजनिक भएको छ, जहाँ ४ लाख भन्दा बढी किटक्याट चकलेटहरू गायब भएका छन्।
इटालीको एक उत्पादन प्लान्टबाट पोल्याण्डतर्फ लैजाँदै गरिएको करिब १२ टन तौल बराबरका ४,१३,७९३ थान चकलेट चोरी भएको यसको उत्पादक कम्पनी नेस्लेले पुष्टि गरेको छ।
यद्यपि, यो ठूलो चोरी भए तापनि बजारमा किटक्याटको उपलब्धतामा कुनै कमी नहुने र उपभोक्ताहरूको सुरक्षामा कुनै असर नपर्ने कुरामा कम्पनीले ढुक्क पारेको छ। चोरी भएका चकलेटहरूको पहिचान प्याकेटमा रहेको ‘ब्याच कोड’ मार्फत गर्न सकिनेछ। हाल स्थानीय अधिकारीहरूले यो चोरीको अनुसन्धान गरिरहेका छन् ।
