काठमाडौं । नेपाल इन्भेष्टमेन्ट मेगा बैंकले आर्थिक बर्ष २०८१\०८२ को दोस्रो त्रैमासमा २ अर्ब ८३ करोड बढी खुद नाफा कमाएको छ । बैंकले आज प्रकाशन गरेको बिबरण अनुसार ६ महिनामा २ अर्ब ८३ करोड २३ लाख २६ हजार नाफा कमाएको छ ।
बैंकले गत आव सोहिको तुलनामा बैंकको खुद नाफा ५७.१८ प्रतिशतले नाफा कमाएको थियो । गत आव सोहि अवधिमा बैंकले १ अर्ब ८० करोड १९ लाखरुपैयाँ नाफा आर्जन गरेको छ ।
सोहि अवधिमा बैंकको खुद ब्याज आम्दानी ७ अर्ब ३६ करोड पुगेको छ भने सञ्चालन नाफामा ४ अर्ब ४ करोड ३३ लाख रुपैयाँ रहेको छ । समिक्षा अवधिमा बैंकको वितरणयोग्य नाफा पनि २ अर्ब ८६ करोड ३५ लाख रुपैयाँ रहेको छ भने बैंकको निक्षेप संकलन ४ खर्ब ४० अर्ब ८७ करोड ९२ लाख रुपैयाँ पुगेको छ ।
बैंकको चुक्ता पुँजी ३४ अर्ब १२ करोड ८५ लाख ९५ हजार रुपैयाँ रहेको छ भने बैंकले जगेडा कोषमा ३१ अर्ब ८९ करोड ५ लाख रुपैयाँ राखेको छ । बैंकको प्रतिसेयर आम्दानी (इपिएस) १६.६० प्रतिसेयर नेटवर्थ १८५ रहेको छ । सो अवधिमा बैंकको खराब कर्जा ५.८६ प्रतिशत रहेको छ भने बैंकको कष्ट अफ फण्ड ४.६३ रहेको छ ।
