काठमाडौं । रुपन्देही-३ मा राष्ट्रिय स्वतन्त्र पार्टीका उम्मेदवार डा. लेखजंग थापा ५० हजार फराकिलो मतान्तरसहित निर्वाचित भएका छन्।
निर्वाचन आयोगले घोषणा गरेअनुसार रुपन्देही-३ मा रास्वपाका उम्मेदवार डा. थापाले निकटतम प्रतिद्वन्द्वी नेपाली कांग्रेसका सुशील गुरुङलाई भारी मतान्तरले पराजित गर्दै विजय हासिल गरे ।
डा. थापाले ५८ हजार ८१४ मत प्राप्त गरेका छन् भने कांग्रेसका गुरुङले ८ हजार ४३५ मत प्राप्त गरेका छन् । त्यस्तै नेकपा एमालेका वासुदेव घिमिरेले ८ हजार २७५ मत पाएका छन्। यस्तै, राप्रपाका गौरव बोहराले ७ हजार ७८९ मत प्राप्त गरेका छन् ।
अहिलेसम्म सार्वजनिक मतमध्ये सबैभन्दा फराकिलो मतान्तर हो ।
