काठमाडौं । इन्डियन प्रिमियर लिग (आईपीएल) अन्तरगत दोस्रो खेलमा मुम्बई इन्डियन्सले ऐनिहासिक जित निकालेको छ । मुम्बईले कोलकाता नाइट राइडर्स (केकेआर)लाई ६ विकेटले पराजित गरेको हो ।
मुम्बुइले यो जितसँगै १४ वर्षदेखि जारी ओपनिङ खेलमा हारको श्रृंखला अन्त्य गरेको छ । यसअघि मुम्बईले सन् २०१२ पछि पहिलो खेल जित्न सकेको थिएन । वानखेडे रंगशालामा भएको खेलमा टस हारेर पहिले ब्याटिङ गरेको केकेआरले २० ओभरमा ४ विकेट गुमाउँदै २२० रन बनायो । त्यसको जवाफमा मुम्बईले १९.१ ओभरमा ४ विकेट गुमाएर २२४ रन बनाउँदै लक्ष्य पूरा ग¥यो ।
मुम्बईका लागि रोहित शर्मा र रेयान रिकेल्टनले उत्कृष्ट सुरुआत दिलाए । दुवैले पहिलो विकेटका लागि ११.५ ओभरमा १४८ रनको साझेदारी गरे । रोहित शर्माले ७८ रन बनाए । यो उनको आईपीएलको ५०औं अर्धशतक पनि हो । रेयान रिकेल्टनले ८१ रनको आक्रामक पारी खेले । त्यसपछि सूर्यकुमार यादवले १६ रन, तिलक वर्माले २० रन र हार्दिक पाण्ड्याले १८ रन जोड्दै टोलीलाई जितसम्म पु¥याए । केकेआरका लागि सुनील नारायण, वैभव अरोरा र कार्तिक त्यागीले समान १–१ विकेट लिए ।
यसअघि पहिले ब्याटिङ गरेको केकेआरका लागि कप्तान अजिंक्य रहाणेले ६७ रनको उत्कृष्ट पारी खेले । त्यस्तै अंगकृष रघुवंशीले ५१ रन बनाए । फिन एलनले ३७ रन बनाए भने अन्त्यतिर रिंकू सिंहले ३३ रन जोडे । मुम्बईका लागि शार्दुल ठाकुरले ३ विकेट लिए भने हार्दिक पाण्ड्याले १ विकेट लिए ।
