काठमाडौं । लुम्बिनी विकास बैंक लिमिटेडले संस्थापक सेयर लिलाम बिक्रीमा राखेको छ । बैंकले सेयरधनी प्रकाश मान श्रेष्ठको नाममा रहेको २० हजार २९० कित्ता संस्थापक सेयर बिक्रीमा राखेको हो ।
संस्थापक सेयर बिक्री गर्दा पहिलो प्राथमिकता संस्थापक सेयरधनीलाई नै दिनु पर्ने व्यवस्था बमोजिम गत फागुन १० गते सूचना प्रकाशित गरी ३५ दिनको समयावधि दिइएकोमा संस्थापक सेयरधनीबाट निवेदन प्राप्त नभएकोले अब सर्वसाधारणका लागि बिक्री खुला गरिएको बैंकले जनाएको छ ।
उक्त सेयर खरीद गर्न इच्छुक व्यक्ति वा संस्थाले आवश्यक कागजात सहित आगामी १५ दिनभित्र काठमाडौंको डिल्लीबजारस्थित बैंकको मुख्य कार्यालयमा निवेदन पेश गर्नु पर्नेछ ।
