काठमाडौं । सरकारले विद्युत नियमन आयोगका अध्यक्ष र सदस्य नियुक्तिका लागि आवेदन माग गरेको छ । बिहीबार एक सूचना जारी गर्दै उक्त आवेदन माग गरिएको हो ।
इच्छुक उम्मेदवारहरुले आगामी १५ दिनभित्र अर्थात् जेठ २१ गतेसम्म आवदेन दिन सक्ने छन् । उर्जा, जलस्रोत तथा सिँचाई मन्त्रालयको विकास सहायता तथा प्रादेशिक समन्वय महाशाखामा आवेकहरुले आवश्यक कागजात सहित आवेदन बुझाउनुपर्नेछ । सरकारले अध्यादेशमार्फत् सरकारी निकायका प्रमुख लगायतका अधिकारीहरु हटाएको थियो । उक्त पदपूर्ति गर्ने हिसाबले सरकारले पछिल्ला दिनमा आवेदन माग गरेको हो ।
आवेदन दिन इच्छुक व्यक्तिहरुलाई आवश्यक पर्ने कागजात निम्न रहेका छन् :-
१. विद्युत नियमन आयोग नियमावली, २०७५ को अनुसूची–१ बमोजिमको आवेदन पेश गर्दा पासपोर्ट साइजको फोटो सहित निम्न कागजातहरू संलग्न गर्नुपर्नेछः
आफैले प्रमाणित गरेको नेपाली नागरिकताको प्रतिलिपि
वैयक्तिक विवरण (Bio-data/CV)
शैक्षिक योग्यताको प्रमाणपत्रको प्रतिलिपि
आवेदन दस्तुर तिरेको भौचर
कार्य अनुभव पुष्टि हुने कागजात
विद्युत नियमन आयोग नियमावली, २०७५ को अनुसूची–२ बमोजिमको स्वघोषणा यस सूचनाको व्यवस्थित र स्पष्ट रूप यसरी लेख्न सकिन्छः
२. उम्मेदवारले पाँच हजार शब्दमा नबढ्ने गरी व्यावसायिक कार्ययोजना (Business Action Plan) को ३ प्रति छुट्टै खाममा सिलबन्दी गरी पेश गर्नुपर्नेछ । व्यावसायिक कार्ययोजनाको ढाँचा ऊर्जा, जलस्रोत तथा सिँचाइ मन्त्रालय बाट प्राप्त गर्न सकिनेछ ।
३. आवेदन पेश गरेका उम्मेदवारहरूमध्ये आवश्यक न्यूनतम शैक्षिक योग्यता र कार्य अनुभव पूरा गरेका उम्मेदवारहरूको दरखास्त स्वीकृत गरिनेछ । दरखास्त स्वीकृत भएका उम्मेदवारहरूमध्ये व्यावसायिक कार्ययोजनामा कम्तीमा ५० प्रतिशत अंक प्राप्त गरेका उम्मेदवारलाई मात्र कार्ययोजनाको प्रस्तुतीकरण र अन्तर्वार्तामा सहभागी गराइनेछ । त्यसपछिका प्रक्रियागत कार्यक्रमहरू मन्त्रालयको वेबसाइटमा प्रकाशित गरिनेछ ।
४. कार्ययोजना प्रस्तुतिका लागि छनोट भएका उम्मेदवारहरूले प्रस्तुतिकरण तथा अन्तर्वार्ताका लागि आउँदा दरखास्तसाथ पेश गरेका प्रमाणपत्र तथा कागजातहरूको सक्कल प्रति लिएर आउनुपर्नेछ ।
५. अध्यक्ष र सदस्य छनौट गर्दा कम्तीमा एकजना महिला सहित समावेशी आधारमा छनौट गरिनेछ । सदस्यको हकमा उम्मेदवारको शैक्षिक योग्यताको विषयविधा फरक हुने गरी योग्यताक्रमका आधारमा छनौट तथा सिफारिस गरिनेछ ।
६. आफूले आवेदन दिन चाहेको पद र विशिष्टीकृत क्षेत्र (१ मात्र) विद्युत नियमन आयोग नियमावली, २०७५ को अनुसूची–१ बमोजिमको आवेदनमा अनिवार्य रूपमा खुलाउनु पर्नेछ ।
७. उम्मेदवार छनौट सम्बन्धी आधार, मापदण्ड र प्रक्रिया सिफारिस समितिले तय गरेबमोजिम हुनेछ ।
८. विद्युत नियमन आयोगका अध्यक्ष र सदस्यहरूको छनौट तथा सिफारिस सम्बन्धी अन्य व्यवस्था विद्युत नियमन आयोग ऐन, २०७४ तथा विद्युत नियमन आयोग नियमावली, २०७५ एवं अन्य प्रचलित कानुनी व्यवस्था बमोजिम हुनेछ ।
९. दरखास्त बुझाउने अन्तिम दिन सार्वजनिक बिदा परेमा सोको भोलिपल्ट कार्यालय समयभित्र बुझाउनुपर्नेछ ।
१०. यस सम्बन्धी थप जानकारी आवश्यक परेमा कार्यालय समयमा मन्त्रालयको विकास सहायता तथा प्रादेशिक समन्वय महाशाखा वा ०१–४२११५२३ मा सम्पर्क गर्न सकिनेछ ।
