काठमाडौं । हिमाल दोलखा हाइड्रोपावर कम्पनी लिमिटेडको जेठ १३ गते बसेको सञ्चालक समितिको बैठकले आउँदो असार ४ गते काठमाडौंको सुकेधारास्थित सेलिब्रेशन हाइटमा बिहान १० बजे सत्रौं र अठारौं वार्षिक साधारणसभा बोलाएको छ।
सभाले सञ्चालक समितिको तर्फबाट अध्यक्षले प्रस्तुत गर्ने आर्थिक वर्ष २०८०/०८१ र २०८१/०८२ को वार्षिक प्रतिवेदन उपर छलफल गरी सो प्रतिवेदन पारित गर्नेछ। त्यस्तै लेखापरीक्षकको प्रतिवेदन सहितको सोही दुई आर्थिक वर्षको वासलात, नाफा नोक्सान हिसाब तथा नगद प्रवाह विवरण लगायत सोसँग सम्बन्धित अनुसूचीहरू माथि छलफल गरी पारित गर्नेछ।
त्यसैगरी उक्त साधारणसभाले चालू आर्थिक वर्ष २०८२/०८३ को लेखापरीक्षण गर्नका लागि लेखापरीक्षकको नियुक्त गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ। साधारणसभा प्रयोजनका लागि जेठ २१ गते एक दिन कम्पनीको शेयर दाखिल खारेज बन्द (बूक क्लोज) रहने कम्पनीले जानकारी दिएको छ।
