काठमाडौं । माण्डु हाइड्रोपावर लिमिटेडको १ करोड २२ लाख २२ हजार ५५३ कित्ता सेयरको लकइन अवधि भदौ २३ गतेबाट सकिने भएको छ । कम्पनीका संस्थापक सेयरधनीहरूको १ करोड २० लाख कित्ता, आयोजना प्रभावित क्षेत्रका बासिन्दाहरूलाई बाँडफाँड गरिएको १ लाख ९३ हजार ७०० कित्ता र कम्पनीमा कार्यरत कर्मचारीहरूलाई बाँडफाँड गरिएको २८ हजार ८५३ कित्ता सेयरको लकइन अवधि सकिने भएको हो ।
आईपीओ निष्काशन गरी सर्वसाधारणलाई बाँडफाँड गरेको दिनदेखि संस्थापक सेयरधनी, आयोजना प्रभावित र कम्पनीमा कार्यरत कर्मचारीहरूको सेयर तीन वर्षसम्म लकइनमा राख्नुपर्ने हुन्छ । यस कम्पनीले आईपीओ निष्काशन गरी २०८२ भदौ २४ गते सर्वसाधारणलाई बाँडफाँड गरेको थियो ।
