काठमाडौं । आईसीसी महिला च्याम्पियन्स ट्रफीमा नेपाल अमेरिकासँग फेरि पराजित भएको छ । रुवान्डामा जारी प्रतियोगितामा पहिलो खेलमै अमेरिकासँग ४४ रनले पराजित भएको नेपाल आज पुनः ७ विकेटले पराजित भएको हो।
नेपालको ५ खेलमा तेस्रो हार हो भने अमेरिकाले ५ खेलमा चौथों जित हासिल गर्दै ८ अंकसहित शीर्ष स्थानमा उक्लिएको छ ।नेपालले ८७ रनको सामान्य विजयी लक्ष्य दिएकोमा अमेरिकाले ३ विकेट गुमाएर ११.५ ओभरमै जित हासिल गरेको थियो ।
