काठमाडौं । अष्ट्रेलियामा रहेको नेपाल ‘ए’ पुरुष क्रिकेट टोलीले तेस्रो तथा अन्तिम खेलमा न्यूजिल्यान्ड ‘ए’ विरुद्ध खेलिरहेको छ । डार्विनको मरारामा भइरहेको खेलमा नेपालले ‘टस’ जितेर पहिले ‘ब्याटिङ’ गरिरहेको हो ।
नेपाल अन्तिम खेलमा न्युजिल्यान्ड ‘ए’ लाई हराएर अष्ट्रेलिया भ्रमणको सुखद अन्त्य गर्ने योजनामा रहेको छ । नेपालले जारी एकदिवसीय सिरिजका अघिल्ला दुई खेलमा लगातार हार व्यहोरेको थियो ।
नेपालले तास्मिनियाविरुद्ध दुई विकेट तथा दक्षिण अष्ट्रेलियाविरुद्ध १३८ रनको हार व्यहोरेको हो । आजको खेलमा नेपालले नारायण जोशीको स्थानमा विपिन खत्रीलाई प्लेइङ–११ मा मौका दिएको छ । चोटका कारण टोलीका प्रमुख ब्याटर कुशल भुर्तेल न्युजिल्यान्डविरुद्ध पनि प्लेइङ–११ मा छैनन् ।
