काठमाडौं । जनवादी गणतन्त्र चीनको सिजाङ स्वायत्त क्षेत्रको उत्तरी भागमा गत अक्टोबर २२, २०२६ मा गएको ७.० म्याग्निच्युडको विनाशकारी भूकम्पमा परी १६ जनाको ज्यान गएको घटनाप्रति नेपाल सरकारले गहिरो शोक व्यक्त गरेको छ। यस प्राकृतिक प्रकोपमा परी दर्जनौँ मानिस घाइते हुनुका साथै भौतिक संरचना र सम्पत्तिमा ठुलो क्षति पुगेकोमा नेपाल सरकारले दुःख प्रकट गरेको हो।
परराष्ट्र मन्त्रालयमार्फत जारी सन्देशमा नेपाल सरकार र नेपाली जनताको तर्फबाट चीन सरकार, चिनियाँ जनता तथा आफ्ना प्रियजन गुमाउने शोकाकुल परिवारजनमा हार्दिक समवेदना प्रकट गरिएको छ। साथै, भूकम्पमा परी घाइते भएकाहरूको शीघ्र स्वास्थ्य लाभको कामना गर्दै यस विपद्बाट प्रभावित सबैप्रति सहानुभूति प्रकट गरिएको छ।
यस कठिन घडीमा नेपाल चीनको साथमा दृढतापूर्वक उभिएको उल्लेख गर्दै नेपाल सरकारले प्रभावित परिवार र समुदायको शीघ्र उद्धार, राहत तथा पुनस्थापनाको कार्य छिटो सम्पन्न हुनेछ भन्ने विश्वास व्यक्त गरेको छ।
