काठमाडौं । उस्मान डेम्बेलेको २ गोलको मद्दतमा पेरिस सेन्ट–जर्मेन (पिएसजी) ले लिललाई ३–० ले हराउँदै फ्रेन्च लिग वानको शीर्ष स्थानमा फर्किएको छ ।
खेलको १३ औं मिनेटमा डेम्बेलेले गोल गर्दै पिएसजीलाई अग्रता दिलाए। उनले २० यार्ड टाढाबाट प्रहार गरेको बल गोलमा परिणत भएको थियो। ६४ औं मिनेटमा उनले अर्को उत्कृष्ट गोल गर्दै टोलीको अग्रता दोब्बर पारे । इन्जुरी समयमा लिलको रक्षापंक्तिम भएको गल्तीको फाइदा उठाउँदै ब्राड्ली बार्कोलाले गोल थप्दै टोलीको जितको अन्तर बढाए । गत सिजन बालोन डी’ओर जितेका डेम्बेले यो सिजन चोटका कारण केही प्रभावित रह्यो । यद्दपी यो खेलमा उनले उत्कृष्ट प्रदर्शन गरे।
पिएसजीका प्रशिक्षक लुइस एनरिकेले डेम्बेलेको आक्रामक खेलको प्रशंसा गर्दै डिफेन्समा अझै सुधार आवश्यक रहेको बताए । यो जितसँगै पिएसजी लेन्सलाई २ अंकले पछाडि पारेको छ । शनिवार लेन्सले अक्सेयरलाई हराएमा शीर्ष स्थानमा फर्किने छ ।
