काठमाडौं ।न्यू बिजनेश एज प्रालिले गरेको आठौं न्यू बिज कनक्लेभ एण्ड बिजनेश अवार्ड कार्यक्रममा निर्जीवन बीमक सिद्धार्थ प्रिमियर इन्स्योरेन्स कम्पनी उत्कृष्ट निर्जीवन बीमक अवार्डबाट सम्मानित भएको छ । सिद्धार्थ प्रिमियर इन्स्योरेन्स लाई ‘वेष्ट म्यानेज्ड नन लाइफ इन्स्योरेन्स कम्पनी उपाधीबाट सम्मानित गरिएको हो ।
न्यु बिजनेश एज प्रालिका अनुसार स्वतन्त्र निर्णायकहरुले आर्थिक वर्ष २०७९\८० सम्मको वार्षिक साधारण सभा सम्पन्न गरि सकेका सूचीकृत निर्जीवन बीमा कम्पनीहरुमध्ये खुद नाफा, खुद सम्पत्ती, सकृय बीमालेख, दाबी आवेदन दर्ता र दाबी भुक्तानीको अनुपात, दाबी भुक्तानी गर्न बाँकी रकम, नियामकीय कारवाहीको अवस्था, लघु तथा कृषीबीमाको कूल बीमाङ्क रकमको आधारमा निर्जीवन बीमा कम्पनीहरुबीच प्रतिस्पर्धाका लागि मूल्याङ्कन गरेका थिए । यी मूल्याङ्कनका आधारमा सिद्धार्थ प्रिमियर इन्स्योरेन्स अब्बल ठहरिएकाले उत्कृष्ट निर्जीवन बीमा कम्पनीको उपाधि प्रदान गरिएको न्यु बिजनेश एज ले जनाएको छ
