काठमाडौं । आईसीसी टी-२० विश्वकप क्रिकेट अन्तरगत अष्ट्रेलियाले नामिबियालाई ९ विकेटले हराएको छ ।नामिबियाले दिएको ७३ रनको लक्ष्य अष्ट्रेलियाले ५ दशमलव ४ ओभरमा मात्र १ विकेट गुमाएर पुरा गरेको छ ।
अष्ट्रेलियाका लागि नटआउट रहँदै ट्रभिस हेडले ३४ र माइकल मार्सले १८ रन बनाए । डेभिड वार्नरले २० रन बनाए । नामिबियाका लागि डेभिड वाइसले १ विकेट लिए । टस हारेर पहिले ब्याटिङको निम्तो पाएको नामिबियाले १७ ओभरमा अलआउट हुँदै ७२ रन जोडेको थियो ।
