काठमाडौं । नेपाल राष्ट्र बैंकका कार्यकारी निर्देशकहरूको हेरफेर गरिएको छ ।
नेपाल राष्ट्र बैंकका गभर्नर डा. विश्वनाथ पौडेलले मंगलबारबाट लागू हुने गरी निर्देशकबाट कार्यकारी निर्देशकमा बढुवा भएका दीर्घराज रावललाई बैंक सुपरिवेक्षण विभाग प्रमुख बनाएका हुन्।
मुद्रण विभागमा निर्देशक रहेका उनी बढुवा भएसँगै मंगलबारबाट सुपरिवेक्षण विभाग सम्हाल्नेछन्।
यता सुपरिवेक्षण विभाग प्रमुख रहेका राष्ट्र बैंकका प्रवक्ता रामु पौडेललाई भने गभर्नरले मुद्रण विभाग प्रमुख बनाएका छन्।
मुद्रण विभाग प्रमुख रहेका प्रदीपराज पौडेललाई सूचना तथा प्रविधि विभागको प्रमुख बनाएपछि रामुलाई मुद्रण विभागको जिम्मेवारी दिइएको हो।
