काठमाडौं । इन्डियन प्रिमियर लिग (आईपीएल) क्रिकेटमा कोलकता नाइट राइडर्सले दिल्ली क्यापिटल्सलाई ८ विकेटले हराएको छ । दिल्लीमा हिजो भएको खेलमा टस हारेर पहिला ब्याटिङ गरेको दिल्लीले निर्धारित २० ओभरमा ८ विकेट गुमाएर एक सय ४२ रन बनाएको थियो ।
दिल्लीले दिएको एक सय ४३ रनको लक्ष्य पछ्याएको कोलकाताले १४ ओभर २ बलमा २ विकेट गुमाएर भेट्टायो । कोलकाताका फिन एलेनले ४७ बलमा शतक बनाए । आईपीएल अङ्क तालिकामा दिल्ली ११ खेलमा ८ अङ्कका साथ तालिकाको आठौँ स्थानमा छ भने कोलकाता १० खेलमा ९ अङ्कका साथ तालिकाको सातौँ स्थानमा छ । आईपीएल क्रिकेटमा आज बेलुका पौने ८ बजे राजस्थान रोयल्स र गुजरात टाइटन्सले खेल्दैछन् ।
