काठमाडौं । एमएस ग्रुप अन्तर्गतको कम्पनी क्यापिटल होटल एन्ड हस्पिटालिटी लिमिटेडले आज म्यारियट इन्टरनेसनलसँग होटल व्यवस्थापन सम्झौता (होटल म्यानेजमेन्ट एग्रिमेन्ट) सम्पन्न गरेको घोषणा गरेको छ।
यस सम्झौता अनुसार नेपालमा पहिलो पटक जेडब्ल्यू म्यारियट होटल काठमाडौं भ्याली सञ्चालनमा आउनेछ। यो सम्झौता दुई कम्पनीबीचको चौथो सहकार्यका साथै नेपालको लक्जरी हस्पिटालिटी क्षेत्रका लागि एक महत्वपूर्ण उपलब्धि पनि हो।
सन् २०३१ को प्रारम्भमा सञ्चालनमा ल्याउने लक्ष्यसहित निर्माण हुने जेडब्ल्यू म्यारियट होटल काठमाडौं भ्यालीमा २२१ वटा विलासी अतिथि कक्ष रहनेछन्। त्रिभुवन अन्तर्राष्ट्रिय विमानस्थलबाट करिब १५ मिनेटको दूरीमा रहने यस होटलबाट काठमाडौंका युनेस्को विश्व सम्पदा सूचीमा सूचीकृत स्थलहरू तथा अन्य सांस्कृतिक सम्पदा स्थलहरूमा सहज पहुँच हुनेछ। होटलमा विभिन्न भोजनालय, स्पा, फिटनेस सेन्टर, स्विमिङ पुल, जेडब्ल्यू गार्डेन तथा १,६०० वर्ग मिटरभन्दा बढी क्षेत्रफलको कार्यक्रम तथा सभा स्थल रहनेछन्।
होटल व्यवस्थापन सम्झौतामा क्यापिटल होटल एन्ड हस्पिटालिटी लिमिटेडका संचालक तथा प्रबन्ध निर्देशक गौरव अग्रवाल र म्यारियट एशिया-प्यासिफिक (चीन बाहेक) का अध्यक्ष राज मेननले हस्ताक्षर गरेका थिए।
साथै, क्यापिटल होटलको तर्फबाट शशीकान्त अग्रवाल र म्यारियट इन्टरनेसनलको तर्फबाट डेभिड म्यारियटबीच थप सम्झौता आदानप्रदान गरिएको थियो। कार्यक्रममा प्रतिनिधिसभा सदस्य माननीय मिङ्मा डेभिड शेर्पाको पनि विशेष उपस्थिति रहेको थियो र उनले सम्झौता समारोहको साक्षी बसे।
“म्यारियटसँग पुनः सहकार्य गर्न पाउनु हाम्रो लागि अत्यन्तै महत्वपूर्ण अवसर हो। यस साझेदारी मार्फत हामी नेपालको पर्यटन विकासमा उल्लेखनीय योगदान पुर्याउने एक प्रतिष्ठित लक्जरी होटल स्थापना गर्नेछौं,” गौरव अग्रवालले भने, “हाम्रो उद्देश्य नेपालका प्राकृतिक, सांस्कृतिक र आतिथ्यको विशेषता झल्काउने अविस्मरणीय अनुभव प्रदान गर्नुका साथै अन्तर्राष्ट्रिय स्तरका उत्कृष्ट हस्पिटालिटी मापदण्ड कायम गर्नु हो।”
जेडब्ल्यू म्यारियट होटल काठमाडौं भ्याली, दक्षिण एशियामा म्यारियट इन्टरनेसनलको विस्तार हुँदै गएको होटल पोर्टफोलियोमा थपिने नयाँ होटल हुनेछ। यसले नेपालको राजधानीमा विश्वव्यापी रूपमा परिचित जेडब्ल्यू म्यारियटको परिष्कृत विलासिता र उत्कृष्ट आतिथ्य अनुभव ल्याउनेछ।
क्यापिटल होटल एण्ड हस्पिटालिटी लिमिटेडको बारेमा:
एमएस ग्रुप अन्तर्गतको क्यापिटल होटल एन्ड हस्पिटालिटी लिमिटेड नेपालमा लक्जरी हस्पिटालिटी सेवाको स्तर उकास्न प्रतिबद्ध छ। कम्पनीले नेपालका समृद्ध सांस्कृतिक मूल्य, परम्परा र आतिथ्यको भावनालाई अन्तर्राष्ट्रिय स्तरमा प्रस्तुत गर्ने लक्ष्य राखेको छ।
म्यारियट इन्टरनेशनलको बारेमा:
म्यारियट इन्टरनेशनल, आइएनसी. (Nasdaq: MAR) को मुख्यालय संयुक्त राज्य अमेरिकाको मेरिल्यान्ड राज्यस्थित बेथेस्डामा रहेको छ। ३१ मार्च २०२६ सम्म, कम्पनीसँग लक्जरी, प्रिमियम, सेलेक्ट, मिडस्केल, एक्सटेन्डेड स्टे तथा अल-इन्क्लुसिभ श्रेणीका आकर्षक ब्रान्डहरू समेटिएको पोर्टफोलियो रहेको छ।
यस अन्तर्गत १४६ देश तथा क्षेत्रहरूमा ९,९०० भन्दा बढी प्रोपर्टीहरू सञ्चालनमा छन्। म्यारियटले विश्वभर होटल, आवासीय सम्पत्ति, टाइमसेयर, याट, आउटडोर तथा अन्य आवाससम्बन्धी सेवाहरूको फ्रेन्चाइज, सञ्चालन तथा लाइसेन्स प्रदान गर्दै आएको छ।
कम्पनीले आफ्नो बहुप्रशंसित ट्राभल प्लेटफर्म म्यारियट बोनभोय® पनि सञ्चालन गर्दछ। थप जानकारीका लागि www.marriott.com मा तथा कम्पनीका पछिल्ला समाचारहरूका लागि http://www.
