काठमाडौं । यशोधा फुड्स प्रा.लि.ले बजारमा ल्याएका करेन्ट चाउचाउको एक ब्याचबाहेक सम्पूर्ण ‘करेन्ट चाउचाउ’ उपभोगका लागि पूर्ण रूपमा योग्य र सुरक्षित रहेको बताउदै प्रयोग गर्न अपिल गरेको छ । कम्पनीले एक सूचना जारी गर्दै उपभोक्ता, विक्रेता तथा अधिकृत बिक्रेतालाइ ढुक्क भएर कारोबार र उपभोग गर्न आग्रह गरेको हो ।
यसोदा फुड्सले खाद्य प्रविधि तथा गुण नियन्त्रण कार्यालयको नियमित परीक्षण र सूचनालाई आत्मसाथ गर्दै तोकिएको मापदणड पुरा गरेर बजारमा चाउचाउ पठाइएको बताएको छ । कम्पनीले नागरिकको स्वास्थ्य र सरकारले तोकेको गुणस्तरप्रति प्रतिबद्ध रहेको पनि जिकिर गरेको छ ।
एसोदा फुड्सको नाममा जारि विज्ञप्ति अनुसार ‘करेन्ट हट एण्ड स्पाईसी’ १०० ग्रामको उत्पादन मिति तथा ब्याच नम्बर २०२६\०२\२३-०४ए मा मात्र प्राविधिक समस्या देखिएको र बाँकी ब्याच र समयमा उत्पादिन चाउचाउ उपभोगका लागि पूर्ण सुरक्षित र योग्य रहेको दाबी गर्दै उपभोतालाइ निश्चिन्त भएर प्रयोग गर्न भनेको छ ।
कम्पनीले जारी गरेको सुचनामा उल्लेख गरिएको छ “उक्त एउटा निश्चित ब्याचबाहेक बजारमा रहेका करेन्टका अन्य सम्पूर्ण उत्पादनहरू खाद्य मापदण्ड अनुकूल रहेकाले उपभोक्ता र विक्रेताहरूले बिना कुनै हिचकिचाहट निर्वाध रूपमा उपभोग तथा बिक्री वितरण गर्न सक्नुहुनेछ,”
