काठमाडौं । अफ्रिकाको रोग नियन्त्रण तथा रोकथाम केन्द्र (अफ्रिका सीडीसी) ले प्रजातान्त्रिक गणतन्त्र कङ्गो (डीआरसी) मा फैलिएको इबोला प्रकोप अहिलेसम्मकै सबैभन्दा गम्भीर बन्न सक्ने चेतावनी दिएको छ।
बुरुण्डीमा आयोजित अफ्रिकी राष्ट्र प्रमुखहरूको भर्चुअल बैठकलाई सम्बोधन गर्दै जीन कायसे ले हाल संक्रमित व्यक्तिहरूसँग सम्पर्कमा आएका दशौँ हजार व्यक्तिको पहिचान र निगरानी हुन नसकेको बताएका हुन्।
उनले प्रकोपलाई तत्काल नियन्त्रण गर्न नसके विगतका विनाशकारी इबोला महामारीभन्दा पनि गम्भीर अवस्था सिर्जना हुन सक्ने चेतावनी दिए। “यदि हामीले यो प्रकोपलाई छिट्टै रोक्न सकेनौँ भने, यो पश्चिम अफ्रिका र पूर्वी डीआरसीमा देखिएका प्रकोपभन्दा पनि भयावह बन्न सक्छ,” कासेयाले बताएका छन्।
उनले सन् २०१४ देखि २०१६ सम्म गियुनियाँ, लिबियाँ गियुनियाँ, लिबियाँ र सेरियो लिनओन् मा फैलिएको इबोला महामारीको स्मरण गराउँदै उक्त प्रकोपमा ११ हजारभन्दा बढी मानिसको ज्यान गएको उल्लेख गरे। साथै, सन् २०१८ मा प्रजातान्त्रिक मुलुक कंगोमा देखिएको तुलनात्मक रूपमा कम घातक इबोला प्रकोपको पनि उनले चर्चा गरे।
स्वास्थ्य अधिकारीहरूले संक्रमितसँग सम्पर्कमा आएका व्यक्तिहरूको पहिचान, निगरानी तथा उपचारलाई तीव्रता दिनुपर्नेमा जोड दिएका छन्। उनीहरूका अनुसार समयमै प्रभावकारी नियन्त्रणका उपाय लागू गर्न नसकिए इबोला संक्रमण थप क्षेत्रहरूमा फैलिने जोखिम रहेको छ।
एजेन्सीको सहयोगमा
