काठमाडौं । इटालीको प्रसिद्ध फुटबल क्लब एएस रोमाका खेलाडीहरूले हिजो सम्पन्न युइएफए च्याम्पियन्स लिगको खेलमा नेपालका बाढीपीडितहरूप्रति सहानुभूति जनाउँदै विशेष जर्सी लगाएर मैदान उत्रिएका छन्। इस्तानबुलमा फेनेर्बाचविरुद्ध भएको उक्त प्रतिस्पर्धात्मक खेल १-१ गोलको बराबरीमा सकिएको थियो, जसमा रोमाका लागि ब्रायन क्रिस्टान्टेले गोल गरेका थिए।
नेपालमा बाढी र पहिरोले पुर्याएको क्षतिप्रति दुःख व्यक्त गर्दै क्लबले यो सहयोगको कदम चालेको हो। उक्त खेलमा खेलाडीहरूले पहिरिएका म्याच-वर्न जर्सीहरू अब लिलामीमा राखिनेछ र त्यसबाट संकलित सम्पूर्ण रकम नेपालका बाढीपीडितहरूको राहत तथा पुनर्र्स्थापनाका लागि प्रदान गरिने क्लबले जनाएको छ। अन्तर्राष्ट्रिय मञ्चमा रोमाले देखाएको यो मानवीय सहयोगको चौतर्फी प्रशंसा भइरहेको छ।
