काठमाडौं । चीनका तोकिएको आकारभन्दा ठूला औद्योगिक प्रतिष्ठानको नाफा सन् २०२६ को पहिलो आठ महिनामा अघिल्लो वर्षको सोही अवधिको तुलनामा १५.७ प्रतिशतले बढेको छ। चीनको राष्ट्रिय तथ्यांक ब्युरेले सोमबार सार्वजनिक गरेको तथ्यांकअनुसार जनवरीदेखि अगस्टसम्म ठूला औद्योगिक प्रतिष्ठानले कुल ५.२७ ट्रिलियन युआन नाफा कमाएका छन्। यो रकम करिब ७४० अर्ब अमेरिकी डलर बराबर हो।
वार्षिक मुख्य व्यावसायिक आम्दानी कम्तीमा २ करोड युआन भएका औद्योगिक प्रतिष्ठानलाई तोकिएको आकारभन्दा ठूला औद्योगिक प्रतिष्ठानका रूपमा वर्गीकरण गरिन्छ। यस्तो समूहमा विभिन्न ठूला उद्योग तथा कम्पनीहरू समेटिन्छन्।
पहिलो आठ महिनामा औद्योगिक नाफा १५.७ प्रतिशतले बढ्नु अघिल्लो वर्षको तुलनामा औद्योगिक क्षेत्रको व्यावसायिक प्रदर्शनमा सुधार आएको संकेतका रूपमा देखिएको छ। उत्पादन तथा व्यावसायिक गतिविधि निरन्तर अघि बढिरहेका बेला औद्योगिक प्रतिष्ठानको नाफामा समेत वृद्धि भएको तथ्यांकले देखाएको छ।
राष्ट्रिय तथ्यांक ब्युरेले सार्वजनिक गर्ने औद्योगिक प्रतिष्ठानको नाफासम्बन्धी तथ्यांकलाई चीनको औद्योगिक क्षेत्रको व्यावसायिक प्रदर्शन मापन गर्ने प्रमुख सूचकका रूपमा लिइन्छ। जनवरीदेखि अगस्टसम्मको नाफा वृद्धिले चीनको औद्योगिक क्षेत्रमा आम्दानी तथा नाफाको अवस्था सुधारोन्मुख रहेको देखाएको छ।
