काठमाडौं । संयुक्त राज्य अमेरिकाले नेपालमा गएको गत भदौको विनाशकारी बाढीका कारण ज्यान गुमाएका अमेरिकी नागरिक तथा अन्य पीडितहरूको पहिचान कार्यलाई तीव्र बनाउन नेपाल प्रहरीलाई थप डिएनए (DNA) परीक्षण सामग्री उपलब्ध गराएको छ।
यसै हप्ता एफबिआई (FBI) का सहायक कानून प्रवर्धन एटासे (Law Enforcement Attaché) राइली पाल्मट्रीले अमेरिकी कम्पनी ‘थर्मो फिसर साइन्टिफिक’ द्वारा निर्मित दुई खेप (Shipment) डिएनए परीक्षण सामग्री प्राप्त गर्नुभएको छ। नेपालको ‘र्यापिड डिएनए’ (Rapid DNA) प्रणालीलाई सहयोग पुर्याउने र आफ्ना प्रियजनको पर्खाइमा रहेका परिवारलाई पहिचानमार्फत जवाफ दिन सहयोग गर्ने उद्देश्यले अमेरिकाले उपलब्ध गराएको १० लाख अमेरिकी डलर (करिब १३ करोडभन्दा बढी नेपाली रुपैयाँ) सहयोग अन्तर्गत यी सामग्रीहरू प्रदान गरिएको हो।
अमेरिकाले नेपालको बाढीपछिको उद्धार तथा राहत कार्यमा निरन्तर सहयोग गर्दै आएको छ। यसै क्रममा अमेरिकाले जीवनरक्षा तथा अन्य विपद् व्यवस्थापन र पुनर्लाभ सहायताका लागि हालसम्म ३ करोड ६० लाख अमेरिकी डलरभन्दा बढीको सहयोग उपलब्ध गराइसकेको छ।
