काठमाडौं । नेपाल बैंक लिमिटेडमा कार्यरत कर्मचारीहरु र बैंकमा खाता रहेका ग्राहकहरुले समाज डेण्टल अस्पतालका विभिन्न स्थानहरुमा रहेका क्लिनिकहरुमा उपचार गर्दा लाग्ने शुल्कमा छुटमा पाउने भएका छन् । सो सम्वन्धमा बैङ्क र अस्पतालका बीच सम्झौता भएको छ ।
सो सम्झौता बमोजिम अस्पतालमा उपचारको क्रममा लाग्ने शुल्कमा नेपाल बैंक लिमिटेडमा कार्यरत कर्मचारीहरुले विल रकमको १५ प्रतिशत र बैंकमा खाता रहेका ग्राहकले १० प्रतिशत सम्म छुट पाउने भएका छन् ।
यो सहमतिसँगै नेपाल बैंकमा कार्यरत कर्मचारीहरु र बैंकमा खाता रहेका ग्राहकहरुले समाज डेण्टल अस्पतालका काठमाडौं स्थित नयाँ बानेश्वर, बसुन्धरा, पेप्सीकोला, जोरपाटी, सितापाइला, भक्तपुरस्थित कौशलटार, ललितपुर स्थित जावलाखेल, ईमाडोल र काभ्रेपलाञ्चोक स्थित बनेपामा रहेका शाखामा दन्त र मुखसँग सम्बन्धित उपचार गर्न सक्नेछन् ।
