काठमाडौं । एनसेलले मंगलबारदेखि दिन थालेको निःशुल्क लोकल भ्वाइस, एसएमएस र डेटा सेवाको समयावधि बढाएको छ । योसँगै अब एनसेल प्रयोगकर्ताले शुक्रबारसम्म निःशुल्क सेवा लिन पाउने छन् ।
एनसेलले सूचना जारी गर्दै भनेको छ, ‘हालको परिस्थितिलाई ध्यानमा राख्दै यहाँहरुलाई प्रदान गरिएको निःशुल्क डाटा, लोकल भ्वाइस कल र एसएमएस सेवा यही भाद्र २७ गते शुक्रबारसम्मका लागि बढाईएको जानकारी गराउँदछौं । तपाईं जहाँ भए पनि आफ्ना प्रियजनसँग सहजै सम्पर्कमा रहन सहयोग पुऱ्याउने हाम्रो निरन्तरको प्रतिबद्धता बमोजिम यो निःशुल्क सेवाको समयसीमा थप गरिएको हो।’
