काठमाडौं । हिमालयन एभरेष्ट इन्स्योरेन्सले चालु आर्थिक वर्षको तेस्रो त्रैमासिकसम्मको अपरिष्कृत वित्तिय विवरण सार्वजनिक गरेको छ । सार्वजनिक वित्तीय विवरण अनुसार नाफामा गिरावट देखिएको हो ।
समीक्षा अवधिमा कम्पनीको नाफा गत बर्षको तुलनामा ६६.७३ प्रतिशतले घटेर ११ करोड ५ लाख रुपैयाँमा सिमित भएको छ । गत बर्षको सोहि अवधिमा कम्पनीको मुनाफा ३३ करोड २३ लाख रुपैयाँ रहेको थियो । समीक्षा अवधिमा कम्पनीको खुद बीमाशुल्क आर्जन गत बर्षको तुलनामा १५.८५ प्रतिशतले वृद्धि भएको छ । गत बर्षगत बर्ष १ अर्ब २४ करोड रुपैयाँ खुद बीमाशुल्क आर्जन गरेको कम्पनीले यस त्रैमाससम्ममा आइपुग्दा १ अर्ब ४३ करोड रुपैयाँ पुगेको छ ।
त्यस्तै, कम्पनीको कुल दाबी भुक्तानी भने गत बर्षको तुलनामा २८.८१ प्रतिशतले वृद्धि भएर १ अर्ब ६७ करोड रुपैयाँ पुगेको छ । गत बर्षको सोहि अवधिमा कम्पनीले १ अर्ब ३० करोड रुपैयाँ कुल बीमा दाबी भुक्तानी गरेको थियो । कम्पनीको हालको चुक्ता पुँजी २ अर्ब ५० करोड रुपैयाँ रहेको छ भने महापिपत्ति कोषमा ८ करोड ७७ लाख रुपैयाँ रहेको छ । त्यस्तै, कम्पनीको प्रतिसेयर आम्दानी(इपीएस) ५ रुपैयाँ ९० पैसा रहेको छ भने प्रतिशेयर नेटवर्थ २०५.२८ रुपैयाँ रहेको छ ।
