काठमाडौं । नेपाल राष्ट्र बैंकले मंगलबार आगामी अािर्थक वर्षको मौद्रिक नीति सार्वजनिक गर्ने भएको छ ।
राष्ट्र बैंकले कर्जा वितरणलाई प्राथमिकतामा राख्दै मौद्रिक नीति सार्वजनिक गर्ने तयारी गरेको छ । ब्याजदर करिडोर भित्र रही कर्जा वितरणलाई प्रोत्साहन गर्नेतवरबाट मौद्रिक नीति ल्याउने तयारी रहेको राष्ट्र बैंकका एक उच्च अधिकारीले जानकारी दिए । बैंकिङ प्रणालीमा तरलता भएको कारण त्यसलाई व्यवस्थापन गर्नुपर्ने हुँदा कर्जा वितरण गर्नुपर्ने दायित्व रहेको हुँदा कर्जा वितरणलाई प्राथमिकता दिन लागेको ती अधिकारीको भनाई छ । हाल बैंकिङ प्रणालीमा १३ खर्ब भन्दा बढी तरतलता (लगानीयोग्यरु) रहेको छ ।
मौद्रिक नीति सार्वजनिक गर्ने तयारी सँगै राष्ट्र बैंकले मंगलबार चालु आर्थिक वर्ष २०८२८३ को मौद्रिक नीति समीक्षा सार्वजनिक गरेको छ । उक्त समीक्षामार्फत् राष्ट्र बैंकले ब्याजदर सीमाभित्र राख्न सफल भएको जनाएको छ ।
मौद्रिक नीति समीक्षामार्फत् राष्ट्र बैंकले विप्रेषण आप्रवाहबाट भित्रिएको रकम वित्तीय प्रणालीमा थपिँंदै जाने तर कर्जा प्रवाह र लगानीमा अपेक्षित वृद्धि नहुँदा अधिक तरलताको स्थिति निरन्तर कायम भई मौद्रिक व्यवस्थापन दबाबमा रहेको जनाएको छ ।
