काठमाडौं । इंग्लिस प्रिमियर लिग च्याम्पियन आर्सनलले कम्युनिटी शिल्डको उपाधि जितेको छ । गए राति भएको खेलमा म्यानचेस्टर सिटीलाई ३–० ले पराजित गर्दै आर्सनलले उपाधि जितेको हो ।
प्रिन्सिपालिटी स्टेडियममा आइतबार भएको खेलमा आर्सनलले सुरुआतमै अग्रता बनायो । खेल सुरु भएको २३ सेकेन्डमै माइल्स लुइस स्केलीको पासमा रिकार्डो कालाफिओरीले गोल गर्दै टोलीलाई अग्रता दिलाएका थएि । आर्सनलले २८औँ मिनेटमा अग्रता दोब्बर बनायो । काइ हाभट्र्जले हेडमार्फत गोल गर्दै अग्रता दोब्बर बनाएका थिए ।
दोस्रो हाफ सुरु भएको तीन मिनेटमै आर्सनलले तेस्रो गोल थप्यो । त्जोलिसको पासमा ओडेगार्डले सिटीको पेनाल्टी क्षेत्रमा बल पाए । उनले गोलरक्षक जियानलुइजी डोनारुम्मालाई छलाउँदै गोल गरे । एफए कप विजेता सिटीमाथिको जितसँगै आर्सनलले पछिल्लो चार महिनामा दोस्रो उपाधि जितेको हो । आर्सनलको यो समग्रमा १८ औँ कम्युनिटी शिल्ड उपाधिसमेत हो ।
