काठमाडौं । नेपाल इन्फ्रास्ट्रक्चर बैंक लिमिटेड (निफ्रा) द्वारा जारी गरिएको ‘निफ्रा हरित ऊर्जा ऋणपत्र २०८८–८९’ मा आवेदन दिने आज अन्तिम दिन रहेको छ । निफ्राले दुईपटक समयावधि थप्दै जेठ २५ गतेसम्मको समयसीमा तय गरेको थियो ।
बैंकले प्रतिऋणपत्र रु १,००० अंकित दरमा ५० लाख कित्ता ऋणपत्र बजारमा ल्याएको हो । जसमा ३० लाख कित्ता व्यक्तिगत तवरबाट बिक्री गरिनेछ भने बाँकी २० लाख कित्तामध्ये १ लाख कित्ता सामूहिक लगानी कोषका लागि छुट्याइएको र १९ लाख कित्ता सर्वसाधारणका लागि खुला गरिएको हो ।
सात वर्षे अवधिका साथै वार्षिक ६ प्रतिशत निश्चित ब्याजदर रहने यस ऋणपत्रमा न्यूनतम २५ कित्ता र अधिकतम १० लाख कित्तासम्म आवेदन दिन सकिने व्यवस्था गरिएको छ ।
ऋणपत्रको निष्कासन तथा बिक्री व्यवस्थापनको जिम्मा एनआईएमबी एस क्यापिटल लिमिटेडले लिएको छ । यस ऋणपत्रलाई नेपाल धितोपत्र बोर्डले वैशाख ३० गते स्वीकृति प्रदान गरिसकेको हो ।
