काठमाडौं । गार्डियन माइक्रो लाइफ इन्स्योरेन्स कोशी प्रदेश कार्यालयले विभिन्न विधामा उत्कृष्ट अभिकर्ताहरूलाई सम्मान गरेको छ। कोशी प्रदेश प्रमुख थिरलोचन श्रेष्ठ उपस्थित उक्त स्वागत तथा अभिकर्ता पुनर्ताजकी कार्यक्रममा बाक्लो संख्यामा अभिकर्ताहरूको सहभागिता थियो।
कार्यक्रममा विराटनगर शाखाका कर्मचारी एजेन्सी मेनेजर र अभिकर्ताहरुले खादा माला र बुकेद्वारा प्रदेश प्रमुखको स्वागत गरिएको थियो। कार्यक्रमको प्रमुख प्रशिक्षक समेत रहेका श्रेष्ठले करिब तीन घण्टा प्रशिक्षण गरेका थिए। प्रशिक्षक श्रेष्ठले बैंक र बीमा एकै सिक्काका दुई पाटा रहेको र जति विश्वास बैंकलाई गरिन्छ त्यति नै विश्वास गर्नुपर्नेमा जोड दिएका थिए। जीवन बीमाले बचत, लगानी, कर छुट, ऋण सुविधा, सुरक्षा लगायत सुविधा दिने भएकाले न्यून आय भएकाहरूको पहुँचको लागि गार्डियन माईक्रो लाइफको शुरुवात भएको बताए।
कार्यक्रमकै दिन जीवन बीमा गराउने निर्मला कुमारी मेहता र सिकेन्द्र सिंह यादवलाई विशेष सम्मान गरिएको थियो। त्यसैगरी विभिन्न पुरस्कार विजेता इन्दिरादेवी भेट्वाल र सन्ध्या नेपाललाई पनि सम्मान गरिएको थियो। कार्यक्रमको संचालनमा विराटनगर शाखाका प्रमुख बिमला पराजुली तथा व्यवस्थापनमा बिनिता निरौला र शुष्मा तिम्सीनाले सहजीकरण गरेका थिए।
