काठमाडौं । राष्ट्रियसभाका नवनिर्वाचित सदस्यको पद तथा गोपनीयताको शपथ यही २५ फागुनमा हुने भएको छ । संघीय संसद् सचिवालयले सूचना जारी गर्दै २५ फागुन दिउँसो २ बजे सिंहदरबारस्थित कानुन न्याय तथा मानवअधिकार समितिको हलमा नवनिर्वाचित सदस्यको शपथ हुने जानकारी दिए ।
संघीय संसद् सचिवालयका प्रवक्ता सहसचिव एकराम गिरीले शपथ ग्रहण समारोहमा औपचारिक वा सांस्कृति पहिचान झल्कने पोशाकमा निर्वाचन आयोगले दिएको प्रमाणपत्र र नागरिकताको प्रतिलिपि एक-एक प्रति लिएर उपस्थिति हुन आग्रह गरिएको जानकारी दिए ।
