काठमाडौं । प्रधानमन्त्री बालेन्द्र शाहले मन्त्रिपरिषद् बैठक बोलाएका छन्।
मंगलबार दिउँसो साढे ३ बजे प्रधानमन्त्री तथा मन्त्रिपरिषद्को कार्यालय सिंहदरबारमा बैठक बस्ने प्रधानमन्त्रीको सचिवालयले जानकारी दिएको छ।
गृहमन्त्री सुधन गुरुङलाई बर्खास्त गर्न माग भइरहेका बेला प्रधानमन्त्रीले मन्त्रिपरिषद् बैठक बोलाएका हुन्।
सम्पत्ति शुद्धीकरण सम्बन्धी कसुरमा पक्राउ परेका व्यवसायी दिपक भट्टसँग गृहमन्त्री गुरुङको व्यवसायिक साझेदारी रहेको भन्दै विपक्षीहरुले राजीनामा माग गरेका हुन् ।
यसअघि पदको दुरुपयोग गर्दै पत्नी जुनु श्रेष्ठलाई स्वास्थ्य बिमा बोर्डको सदस्य बनाएको भन्दै आलोचना भएपछि प्रधानमन्त्री शाहले दीपककुमार साहलाई श्रममन्त्रीबाट बर्खास्त गरेका थिए। साह मन्त्री बनेको दुई सातामा बर्खास्त भएका हुन् ।
