काठमाडौं । ओपनर अभिषेक शर्माले शतक बनाएको इन्डियन प्रिमियर लिग (आइपिएल) को खेलमा सनराइजर्स हैदराबादले दिल्ली क्यापिटल्सलाई ४७ रनले पराजित गरेको छ । हैदराबादमा मंगलबार राति भएको खेलमा पहिले ब्याटिङ गरेको हैदराबादले २० ओभरमा २ विकेट गुमाउँदै २४२ रनको विशाल योगफल बनाएको थियो ।
हैदराबादका अभिषेकले शानदार अविजित १३५ रन बनाए । उनले ६८ बलमा समान १० छक्का र चौका छक्का प्रहार गर्दै टोलीलाई विशाल स्कोरतर्फ डो¥याए । टि ट्वान्टी क्रिकेटमा उनको यो नवौँ शतक हो ।
उनलाई हेनरिख क्लासेनले अविजित ३७ रन र ट्राभिस हेड ले ३७ रन बनाएर राम्रो साथ दिए । दिल्लीका लागि अक्षर पटेल ले १ विकेट लिए । २४३ रनको लक्ष्य पछ्याएको दिल्लीले २० ओभरमा ९ विकेट गुमाउँदै १ सय ९५ रन मात्र बनाउन सक्यो । दिल्लीका नितिश राणाले ५७ रन बनाए भने समीर रिज्वी ले ४१ रन जोडे । हैदराबादका बलरमध्ये इशान मालिंगाले ४ विकेट लिए भने हर्ष दुबेले ३ विकेट लिए । दिल्लीलाई हराएसँगै हैदाराबाद अंक तालिकाको तेस्रो स्थानमा उक्लिएको छ ।
