काठमाडौं । श्रम संस्कृति पार्टीका अध्यक्ष हर्क साम्पाङले प्रधानमन्त्री बालेन शाहले सदनलाई सम्बोधन नगरेकोप्रति आपत्ति जनाएका छन्।
प्रतिनिधि सभाको बैठकमा बोल्दै प्रधानमन्त्री छ कि छैन भन्ने थाहा नभएको टिप्पणी गरे। ‘यो सरकारको प्रधानमन्त्री छ कि छैन ? छ भने प्रधानमन्त्रीले सदनलाई सम्बोधन गर्नुपर्छ कि पर्दैन ? सांसदहरूले उठाएका प्रश्नको उत्तर दिनुपर्छ कि पर्दैन ? ’, साम्पाङले प्रश्न थप्दै भने, ‘सांसदको उत्तर नदिनु भनेको जनताको उत्तर नदिनु हो । यो भनेको असक्षमताको नमुना हो । के हाम्रो प्रधानमन्त्री अयोग्य र असक्षम बन्नुभएको हो त ?’
उनले प्रधानमन्त्री जनताको जवाफ दिन नसक्ने अयोग्य भएको हो? भन्दै प्रश्न गरे। उनले सीमा क्षेत्रदेखि सुकुम्वासी समस्या बस्तीमा डोजर चलाएको विषयमा पनि सरकारमाथि प्रश्न गरे।
