काठमाडौं । प्रतिनिधिसभा सचिवमा प्रकाश अधिकारीको नाम सिफारिस भएको छ । सभामुख डोलप्रसाद अर्यालले अधिकारीको नाम सिफारिस गरेका हुन् ।
हर्कराज राईलाई हटाएर सभामुख अर्यालले प्रतिनिधिसभाको सचिवमा अधिकारीलाई ल्याउन लागेका हुन् ।
सभामुखको सिफारिसमा राष्ट्रपतिबाट प्रतिनिधि सभा सचिव नियुक्त गर्ने व्यवस्था छ।
प्रतिनिधि सभा सचिवमा सिफारिस भएका अधिकारी संखुवासभाको खाँदबारी नगरपालिका वडा नम्बर ३ का हुन्।
उनले त्रिभुवन विश्वविद्यालयबाट ग्रामीण विकासमा स्नातकोत्तर र अन्तर्राष्ट्रिय व्यापार तथा आर्थिक साझेदारी विषयमा स्नातकोत्तर पनि गरेका छन्।
उनीसँग निजामती सेवामा २४ वर्ष काम गरेको अनुभव छ। उनी उपसचिव पदबाट सेवानिवृत्त कर्मचारीसमेत हुन्।
